ხარაგაულში კიდევ ერთი ბიზნეს იდეა დაფინანსდა. პროექტის „აწარმოე საქართველოში“ ფარგლებში მცირე მეწარმე „მარიკა ხარატიშვილმა“ 5 ათასი ლარი ხარაგაულში ფოტო-ვიდეო სალონის გასახსნელად მიიღო. სალონი დღეს, 8 მაისს, ოფიციალურად ამოქმედდა.

„ხარაგაულელები ფოტო-ვიდეო მომსახურებისთვის სხვა მუნიციპალიტეტებში მიდიოდნენ, – ამბობს მარიკა ხარატიშვილი, – ჩვენი იდეა მოიწონეს და 5 ათასი ლარით დაგვაფინანსეს. თანადაფინანსება 1 000 ლარია. გრანტით შევიძინეთ კომპიუტერი, ფოტო-ვიდეო კამერა, ფერადი პრინტერი და ქსეროქსის აპარატი.“

ფოტო-ვიდეო სალონი გთავაზობთ – ფოტოების გადაღებას, დაბეჭდვას, ჩარჩოებში ჩასმას, ვიდეო გადაღებას და მონტაჟს, ასევე შესაძლებელია ციფრულ ფორმატში გადაღებული ძველი ვიდეოების მონტაჟი.

ფოტო-ვიდეო სალონი მდებარეობს ხარაგაულში, სოლომონ მეფის ქ. #25-ში.

„აწარმოე საქართველოს“ ფარგლებში ხარაგაულში 2014 წლიდან დღემდე ორმოცზე მეტი ბიზნეს იდეა დაფინანსდა. აპრილის მონაცემებით კი, საქართველოში სულ 355 პროექტია მხარდაჭერილი.