ხარაგაულის სპორტულ დარბაზში „სპორტისა და შიდა ტურიზმის“ ცენტრის (დირექტორი გრიგოლ ჭიპაშვილი) ორგანიზებით დღეს, 8 მაისს, ჭადრაკში რაიონული ტურნირი ჩატარდა.

სპორტულ შეჯიბრებაში ხარაგაულის მუნიციპალიტეტში მოქმედი სკოლების 24 მოსწავლე მონაწილეობდა.

გოგონებს შორის პირველ ადგილზე გავიდა მედეა ინასარიძე (ვახანი), მეორე ადგილზე – გვანცა გოგოლაძე (ვაშლევი), მესამე ადგილზე – ნინო მაღრაძე (ვახანი);

ვაჟებს შორის პირველობა წილად ხვდა ვაჟა მაღრაძეს (ხარაგაულის #3 საჯარო სკოლა), მეორე ადგილზე გავიდა ნიკა კიკნაძე (საღანძილე), მესამე ადგილზე – მურმან ბიწაძე (ღორეშა).

გამარჯვებულები სიგელებითა და ფასიანი საჩუქრებით დაჯილდოვდნენ.