ბავშვთა და ახალგაზრდობის ეროვნული ცენტრის ორგანიზებით საქართველოში ტურნირი „სპორტი ბარიერების გარეშე“ მიმდინარეობს. ტურნირი სპორტის ოთხ სახეობაში – მინიფეხბურთში, კალათბურთში, ჭადრაკსა და 60 მეტრ დისტანციაზე სირბილში გაიმართება.

ხარაგაულში ტურნირი განათლების, კულტურის, სპორტისა და ახალგაზრდულ საქმეთა სამსახურისა და სპორტისა და ტურიზმის ცენტრის ხელშეწყობით ტარდება.

მინიფეხბურთში, რომელიც ხარაგაულის სპორტულ დარბაზში გაიმართა, ხუთი სკოლის (კიცხი, ბორი, ვარძია, ხიდარი, ბორითი) გუნდი მონაწილეობდა. ფინალში ერთმანეთს კიცხისა და ვარძიის გუნდები დაუპირისპირდნენ. გამარჯვება კიცხის გუნდმა მოიპოვა.

სპორტის დანარჩენ სახეობებში შეჯიბრებები მომავალ კვირაში გაიმართება.

ფოტოებზე: მინიფეხბურთის ტურნირი ხარაგაულში