ხარაგაულში მუნიციპალური ააიპ-ების რეორგანიზაცია გრძელდება. ათი მუნიციპალური ააიპ-ის შერწყმის შედეგად სამი ააიპ-ი ჩამოყალიბდა.
ააიპ-ების შერწყმის შედეგად ახლად დარეგისტრირებული ააიპ-ების დირექტორებიც დაინიშნენ.
უკვე ცნობილია დირექტორთა მოადგილეების ვინაობა.
„დასუფთავებისა და კეთილმოწყობის გაერთიანების“ დირექტორ თემურ ფურცელაძის ინფორმციით, ამ ააიპ-ში კეთილმოწყობის მიმართულებით დირექტორის მოადგილე დავით ლაცაბიძე იქნება.
„სპორტისა და შიდა ტურიზმის ცენტრის“ დირექტორ გრიგოლ (გია) ჭიპაშვილისგან მოპოვებული ინფორმაციით, ამავე ააიპ-ში სპორტის მიმართულებას დავით გელაშვილი უხელმძღვანელებს, შიდა ტურიზმისას – ბერიკა თურმანიძე, ხოლო საფუხბურთო კლუბ „ჩხერიმელა 2009“-ის მთავარი მწვრთნელი პაატა ლურსმანაშვილი იქნება.
რაც შეეხება „კულტურისა და ხელოვნების ცენტრს,“ მისი დირექტორის, ნიკოლოზ მაჭავარიანის ინფორმაციით, ამ ააიპ-ში შემავალ ხალხური შემოქმედების სახლს საგადასახადო დავალიანება აღმოაჩნდა. ამიტომ ააიპ-ის რეგისტრაციის პროცესი შეფერხდა. ნიკოლოზ მაჭავარიანის ინფორმაციით, აღნიშნული ხარვეზი დღეს გამოსწორდება და ის კონკრეტული მიმართულებებით მოადგილეებს, სავარაუდოდ, ხვალ დანიშნავს.
ახალდანიშნული დირექტორები ამჟამად ააიპ-ების საშტატო ნუსხაზე მუშაობენ. მიმდინარე რეორგანიზაციის შესახებ ინფორმაციას შემდგომ დღეებშიც მოგაწოდებთ.
ხარაგაულის მუნიციპალიტეტის მერიის ჯანდაცვისა და სოციალური
ხარაგაულის მუნიციპალიტეტის მერიის ადმინისტრაციული
ხარაგაულის მუნიციპალიტეტის სკოლებში ღვაწლმოსილ პედაგოგებთან შეხვედრები მიმდინარეობს.
27 მარტი, თეატრის საერთაშორისო დღე ხარაგაულის ოთარ აბაშიძის
26 მარტიდან 27 მარტის დილამდე საქართველოში მოსალოდნელია