სამების საკათედრო ტაძრის დარბაზში დღეს, 29 მარტს, საპატრიარქოს ახალგაზრდული ცენტრის მიერ ორგანიზებული ესეების კონკურსის – „რწმენა ჩვენს ცხოვრებაში“ მეორე ტური გაიმართა.

კონკურსის მეორე ტურში ხარაგაულიდან მხოლოდ ერთი – ბაზალეთის საჯარო სკოლის მერვე კლასის მოსწავლე  კესო ჩხიკვაძე მონაწილეობდა. კონკურსანტებს უნდა დაეწერათ ესეები დავით აღმაშენებლის სიტყვებზე – კაცობრიობისათვის მომადლებული უდიდესი საუნჯე წიგნებია.

კონკურსის მეორე ტურის შედეგები მაისის დასაწყისში გამოქვეყნდება. დასკვნითი ტურიც მაისში უნდა ჩატარდეს.

წარმატებებს ვუსურვებთ კესო ჩხიკვაძეს და მის მასწავლებელს ნინო კვირიკაშვილს.