1502904_654467087927734_1807702947_oხარაგაულის მუნიციპალიტეტის საავადმყოფოს, ამბულატორიებისა და სასწრაფო დახმარების მედპერსონალს ჯანდაცვის მინისტრის მოადგილე დიმიტრი მახათაძე ამ წუთებში ხვდება. მან დაათვალიერა საავადმყოფოს შენობა. მისი თქმით უახლოეს ხანში გადაწყდება, ხარაგაულში ახალი საავადმყოფო აშენდეს თუ არსებული აღდგეს. ეს გადაწყვეტილება პროფესიონალებთან კონსულტაციით გადაწყდება.

დიმიტრი მახათაძის თქმით, აუცილებლად შეიქმნება სოფლის ექიმისთვის რეალური სამუშაო გარემო.

სავარაუდოდ, მაისში სასწრაფო დახმარების სამსახური აღიჭურვება ახალი ტრანსპორტით. მისი ინფორმაციით, სავარაუდოდ, სექტემბრიდან მოსახლეობა ისარგებლებს საყოველთაო ჯანდაცვით, რაც მათ საშუალებას მისცემს, ძირითადი საბაზისო სამედიცინო დახმარება მიიღონ ნებისმიერ სამედიცინო დაწესებულებაში.

მინისტრის მოადგილესთან შეხვედრის ორგანიზატორი ხარაგაულის მაჟორიტარი დეპუტატი ნოდარ ებანოიძეა და მასში მუნიციპალიტეტის ადგილობრივი წარმომადგენლები მონაწილეობენ.

ნინო კაპანაძე