ხარაგაულის მუნიციპალიტეტის საკრებულოს ბიუროს მორიგი სხდომა ორშაბათის ნაცვლად სამშაბათს, 20 თებერვალს, გაიმართება.

საკრებულოსგან მიღებული ინფორმაციით, ბიუროს სხდომაზე დეპუტატები იმსჯელებენ მუნიციპალიტეტისგან დაფუძნებული ააიპ-ების რეორგანიზაციის დასაწყებად მუნიციპალიტეტის მერისთვის თანხმობის მიცემის შესახებ.

ამ საკითხის გარდა, მერიის ინფრასტრუქტურისა და კეთილმოწყობის სამსახურის ანგარიშს დეპუტატებს თემურ თაბუკაშვილი წარუდგენს, მერიის ზედამხედველობისა და არქიტექტურის სამსახურის ანგარიშს – აფრასიონ ლურსმანაშვილი.