downloadრეგიონული განვითარებისა და ინფრასტრუქტურის სამინისტროსგან მოწოდებული ინფორმაციით, წელს ხარაგაულის მუნიციპალიტეტში ინფრასტრუქტურის მოსაწესრიგებლად რეგიონებში განსახორციელებელი პროექტების ფონდიდან 2,109,544, 0 ლარი დაიხარჯება. 

ხარაგაულის მუნიციპალიტეტის ადგილობრივმა ხელისუფლებამ პრიორიტეტულად მუნიციპალური მნიშვნელობის შიდა საავტომობილო გზების რეაბილიტაცია მიიჩნია. იგეგმება კიცხი-ხიდარის, ვარძია-წყალაფორეთის, ხარაგაული-ფარცხნალის (2,1 კმ) გზების მოასფალტება. საგზაო-სარეაბილიტაციო სამუშაოების გარდა, სამ სოფელში – ხიდარი, წყალაფორეთი, ბორითი – საბავშვო ბაღის მშენებლობა დაიწყება.

ასევე დამონტაჟდება გარე განათება ხარაგაული-საქარიქედის (4 კმ.) ისლარი-ფარცხნალისა და (1 კმ), ბორითი-მაქათუბანის გზის მონაკვეთებზე.

მთავრობამ რეგიონული განვითარების სამთავრობო კომისიის მიერ წარდგენილი შვიდი პროექტი უკვე დაამტკიცა.