ხარაგაულის სპორტულ დარბაზში დღეს, 20 თებერვალს, სასკოლო სპორტული ოლიმპიადის ფარგლებში ბადმინტონში შეჯიბრება გაიმართა.

ერთმანეთს ხარაგაულის #2 და #3 საჯარო სკოლების გოგონებისა და ვაჟების გუნდები დაუპირისპირდნენ.

ვაჟებს შორის ხარაგაულის #3 საჯარო სკოლის, ხოლო გოგონებს შორის #2 საჯარო სკოლის გუნდმა გაიმარჯვა.

გამარჯვებულები მონაწილეობას მიიღებენ ოლიმპიადის რეგიონალურ ტურში.

სასკოლო სპორტული ოლიმპიადა, უკვე მეორე წელია, საქართველოს სპორტისა და ახალგაზრდულ საქმეთა სამინისტროს ინიციატივით საქართველოს ყველა მუნიციპალიტეტში იმართება.

წელს სასკოლო სპორტული ოლიმპიადა ხარაგაულის მუნიციპალიტეტში სპორტის 12 სახეობაში ჩატარდება.

შემდეგი შეხვედრა ოთხშაბათს, 22 თებერვალს, ხელბურთში გაიმართება.

ხარაგაულში სასკოლო სპორტული ოლიმპიადა მუნიციპალიტეტის გამგეობის განათლების, კულტურის, სპორტისა და ახალგაზრდულ საქმეთა სამსახურის, საგანმანათლებლო რესურსცენტრისა და ხარაგაულის სპორტის განვითარებისა და მართვის მუნიციპალური ცენტრის ხელშეწყობით ტარდება.