ძირულა-ხარაგაული-მოლითი-ფონა-ჩუმათელეთის საავტომობილო გზის მშენებლობის დამპროექტებელი ორგანიზაცია გამოვლინდა.

საერთაშორისო ტენდერში გამარჯვებულ კომპანია „კოქსსა“ და საავტომობილო გზების დეპარტამენტს შორის ხელშეკრულება გაფორმდა.

ხელშეკრულების ფარგლებში, ძირულა-ხარაგაული-მოლითი-ფონა-ჩუმათელეთის გზის 50 კილომეტრიანი მონაკვეთის რეაბილიტაციისთვის დეტალური პროექტი, სატენდერო დოკუმენტაცია, გარემოზე ზემოქმედების შეფასების, მიწის შესყიდვისა და განსახლების დეტალური გეგმის დოკუმენტები მომზადდება.

პროექტზე მუშაობა 9 თვეში უნდა დასრულდეს. საპროექტო დოკუმენტაციის მომზადების ღირებულება 1 231 566 აშშ დოლარი და 1 249 030 ლარია. სამუშაოებს აზიის განვითარების ბანკი დააფინანსებს.

თამთა გოგოლაძე