kinoteatriსარემონტო სამუშაოები ხარაგაულის კინოთეატრში დიდი ხანია აქტიურად  მიმდინარეობს. საქმეთმწარმოებელი კორნელი მამარდაშვილი ამბობს: „შენობის რეკონსტრუქცია დეკემბრის ბოლოს უნდა დასრულდეს. ამჟამად მიმდინარეობს დემონტაჟი. სახურავის კონსტრუქცია უკვე მზადაა. ამ კვირაში შენობა დაიხურება. პარალელურად მიმდინარეობს ლესვა და შიგნითა დემონტაჟის შემდეგ უკვე დავიწყებთ სცენისა და ტრიბუნების მოწყობას. კინოთეატრის მიმდებარე ტერიტორიის კეთილმოწყობისათვის უკვე ჩატარდა ტენდერი, სადაც ჩვენმა კომპანიამ გაიმარჯვა და იანვრის ბოლოსთვის თეატრის სამშენებლო-კეთილმოწყობის სამუშაოები მთლიანად დასრულდება.“

თამთა გოგოლაძე