დღეს, 22 ნოემბერს, ხარაგაულის კულტურისა და დასვენების პარკში ზიპლაინი გაიჭიმა.  ნებისმიერ მსურველსა და ექსტრემალის მოყვარულებს საშუალება ჰქონდათ ზიპლაინით დაშვებულიყო.

ღონისძიება ხარაგაულის მუნიციპალიტეტის ტურიზმის ცენტრის ინიციატივითა და იმერეთის სკაუტური ორგანიზაციის დახმარებით მოეწყო.

ზიპლაინი მსოფლიოში გავრცელებული ერთ-ერთი ექსტემალური დასვენების სახეობაა. ზიპლაინი  მდინარეებსა და ტბებზე იჭიმება.

ღონისძიების მონაწილე გიგი მაღლაფერიძე ამბობს, რომ ზიპლაინით დაშვება არაჩვეულებრივი შეგრძნებაა, მისი აზრით ასეთი ღონისძიებები კიდევ უნდა განხორციელდეს ხარაგაულში, რადგან ეს ახალგაზრდებში ჯანმრთელი ცხოვრების წესის დამკვიდრებას შეუწყობს ხელს.

ხარაგაულელმა თაკო ჩხიკვაძემ და ანანო თავზარაშვილმა დიდი ხნის სურვილი აისრულეს და ზიპლაინით დაეშვნენ.

„ზიპლაინით დაშვებას მხოლოდ ზიპლაინის ფედერაცია ახორციელებს და ვერ შევძელით მონაწილეობა მიგვეღო, ახლა ძალიან ბედნიერები ვართ. თუ მსგავსი აქტივობები ხარაგაულში კიდევ გაგრძელდება, აუცილებლად ჩავერთვებით – ამბობენ თაკო და ანანო.

ხარაგაულის მუნიციპალიტეტის განვითარებისა და შიგა ტურიზმის ხელშეწყობის ცენტრის უფროსის ბერიკა თურმანიძის თქმით, ხარაგაულში ზიპლაინით დაშვება პირველად მოეწყო და თუ ხარაგაულელი ახალგაზრდები დაინტერესდებიან, შესაძლებელია მორიგი ზიპლაინი ჩხერილმელაზე გაიჭიმოს.

ziplainit-dashveb-1 ziplainit-dashveb-2