ხვალ, 18 ნოემბერს, კიცხის საზოგადოებრივ ცენტრში საკრებულოს საფინანსო-საბიუჯეტო კომისიის ორგანიზებით, ხარაგაულის მუნიციპალიტეტის 2017 წლის ბიუჯეტის პროექტის საჯარო განხილვა მოეწყობა.

საკრებულოს საფინანსო-საბიუჯეტო კომისიის თავმჯდომარე ვარლამ ჭიპაშვილი საჯარო განხილვაზე იწვევს კიცხის ზონის სოფლების მოსახლეობას.

„ვარძიაში, ხიდარში, წყალაფორეთსა და კიცხში მცხოვრებ მოქალაქეებს შესაძლებლობა ექნებათ, რომ მობრძანდნენ და გამოხატონ თავიანთი მოსაზრებები, შენიშვნები,“ – ამბობს ვარლამ ჭიპაშვილი.

ბიუჯეტის პროექტის საჯარო განხილვა კიცხის საზოგადოებრივ ცენტრში 15:00 საათზე დაიწყება.