19-20 ნოემბერს „ტურიზმის ცენტრის“ ინიციატივით ბორჯომ-ხარაგაულის ეროვნული პარკის ტერიტორიაზე, კერძოდ ხერგილზე, ლაშქრობა მოეწყობა.

ლაშრობის მონაწილეები მოისმენენ ტრენინგები შემდეგ თემებზე: ლაშქრობის დაგეგმარება, ბანაკების მოწყობა-ორგანიზება, ლიდერობა, ველურ ბუნებაში თვითგადარჩენის წესები, ეკოლოგიური საკითხები.

ყველა მსურველს საჭირო ინვენტარით (კარავი, საძილე ტომარა, „პარალონი“) ტურიზმის ცენტრი უზრუნველყოფს.

მონაწილეებმა აუცილებლად თან უნდა იქონიონ: საწვიმარი, ორი დღის საკვები, წყალგაუმტარი ფეხსაცმელი.

გასვლა – ხარაგაულის რკინიგზის სადგურიდან. – 19 ნოემბერი, 11:30 საათზე;
დაბრუნება –  ხარაგაულის რკინიგზის სადგურზე, – 20 ნოემბერი, 19:00 საათი.

დამატებითი ინფორმაციისთვის მობრძანდით ტურიზმის ცენტრში ან დაგვიკავშირდით ტელეფონებით: 595 45 30 51, 595 45 29 94.