4დეპუტატი ნოდარ ებანოიძე დაბა ხარაგაულის გაფართოებაზე საუბრობს და ამით ხარაგაულისა და მიმდებარე სოფლების სტატუსის გაზრდას გეგმავს. „ვფიქრობ, რომ აქ უნდა შევქმნათ სამუშაო რესურსი. ჩხერი, ფარცხნალი, თეთრაწყარო, ბაზალეთის ქვედა ნაწილი, ჯაფაროული, ისლარი, შესაძლოა, გახდეს ხარაგაულის ნაწილი, ანუ დაბა ქალაქად გავზარდოთ.

ცნობილი ბრენდები PUMA, Adidas შემოვიდნენ საქართველოში და ისინი ძირითადად ეძებენ ადგილებს, სადაც სამუშაო რესურსია. ერთ წელიწადში ამას, ალბათ, ვერ გააკეთებ, მაგრამ უნდა დაიწყოს იმ მიმართულებით მუშაობა.

ხარაგაულის მიმდებარე სოფლები თუ დაბას შეუერთდება, სხვა სტანდარტი იმუშავებს – ვთქვათ, შემოერთებულ სოფლებში მოასფალტდება გზები“.