უბისას წმინდა გიორგის სახელობის სამონასტრო კომპლექსის სარემონტო სამუშაოებისათვის ახალი პროექტი შეიქმნება.
ტენდერში გამარჯვებული კომპანიის – შპს „ტაძარი +“-ის დირექტორის, მურად ჭეიშვილის ინფორმაციით, განახლებულ პროექტზე მუშაობა დაწყებულია და ერთ თვეში დასრულდება.
„სარემონტო სამუშაოების დაწყების შემდეგ აღმოჩნდა, რომ პროექტში გათვალისწინებული სამუშაოების გარდა კიდევ ბევრი რამ იყო გასაკეთებელი, – ამბობს ბატონი მურადი, – მუნიციპალური განვითარების ფონდისა და საქართველოს კულტურისა და ძეგლთა დაცვის სამინისტროს გადაწყვეტილებით, უბისას ტაძრის სარემონტო სამუშაოებისათვის პროექტი შეიცვალა.“
სარემონტო სამუშაოების ღირებულება, სავარაუდოდ, გაიზრდება. პროექტის თავდაპირველი ღირებულება 1 422 609 ლარია.
მუნიციპალური განვითარების ფონდმა უბისას წმინდა გიორგის სახელობის სამონასტრო კომპლექსის სარემონტო სამუშაოებზე ტენდერი 25 თებერვალს გამოაცხადა. ტენდერში გამარჯვებულ კომპანიას – შპს „ტაძარი +“ -ს, ხელშეკრულების თანახმად, სამუშაოები ხელშეკრულების გაფორმებიდან ცხრა თვეში, 2016 წლის ბოლოსთვის, უნდა დაესრულებინა.
უბისას ტაძრის რესტავრაციას მუნიციპალური განვითარების ფონდი, მსოფლიო ბანკისა და საქართველოს მთავრობის თანადაფინანსებით ახორციელებს.
თამთა გოგოლაძე
ხარაგაულის წმინდა ანდრია პირველწოდებულის გიმნაზიის
ჯანმრთელობის მსოფლიო ორგანიზაციის ევროპის რეგიონული ბიურო 2024 წლის
დაბადებიდან 49 წლის იუბილეს ვულოცავთ მის ყოვლადუსამღვდელოესობას, მარგვეთისა და უბისის ეპისკოპოსს,
საქართველოს რკინიგზის ინფორმაციით, აღდგომის დღესასწაულთან დაკავშირებით, ბათუმისა და
„მაღალმთიან დასახლებებში