ხარაგაულის მუნიციპალიტეტის ოთხ სოფელში (თეთრაწყარო, ბაზალეთი, ახალსოფელი, ჩხერი) გაზიფიცირების სამუშაოები მიმდინარეობს. სამუშაოებს შპს „ინტერგაზი“ ასრულებს. კომპანიის მთავარი ინჟინერის ზურაბ გიქოშვილის ინფორმაციით, ბუნებრივი აირის მაგისტრალის გაყვანა თითქმის დასრულებულია.

„ოთხივე სოფელში მაგისტრალის საერთო სიგრძე 40 კილომეტრია, დარჩენილია 5-6 კილომეტრის მაგისტრალის გაყვანა. სამუშაოები ნოემბრის ბოლოსათვის დასრულდება“ – ამბობს ზურაბ გიქოშვილი.

ვინ შეასრულებს აღნიშნულ სოფლებში დაქსელვის სამუშაოებს ჯერჯერობით უცნობია.

თამთა გოგოლაძე