ხარაგაული-ბაღდათის მაჟორიტარობის კანდიდატმა პარტიიდან „ქართული ოცნება“ კობა ლურსმანაშვილმა საკუთარი არჩევანი 10:30 საათზე დააფიქსირა.

თეთრაწყაროს საარჩევნო უბანზე ის მეუღლესთან ერთად მივიდა.

შეკითხვაზე, თუ რას მისცა მან ხმა საკუთარი არჩევანით, კობა ლურსმანაშვილმა გვიპასუხა, – „განვითარებას, აღმშენებლობას, სტაბილურობას, სიმშვიდეს.“

ის კანდიდატის სტატუსით არჩევნებში მეხუთედ მონაწილეობს, – ორჯერ აირჩიეს საკრებულოს წევრად, ერთხელ, 2014 წელს – გამგებლად. ასევე მონაწილეობდა 1999 წლის საპარლამენტო არჩევნებში.

ბაღდათი-ხარაგაულის დეპუტატობისთვის 13 კანდიდატი იბრძვის.