სოკარი-adjaraps-250x187ხარაგაულის მუნიციპალიტეტის გამგებლის, კობა ლურსმანაშვილის ინფორმაციით, მიღწეულია შეთანხმება „სოკარ ჯორჯია გაზის“ ხელმძღვანელობასთან დაბა ხარაგაულში გაზიფიცირების პროექტის გაგრძელების თაობაზე. მისივე თქმით, ის შეხვდა კომპანიის რეგიონული ოფისის ხელმძღვანელს დავით ჯაიანს და მიიღო პირობა, რომ დაბა ხარაგაულისა და პატარა ხარაგაულის მოსახლეობას მიმდინარე წლის ბოლომდე ბუნებრივი გაზი მიეწოდება. კობა ლურსმანაშვილის ინფორმაციით, მოსახლეობა კვლავინდებურად ისარგებლებს განვადებით. გამგებლის თქმით, 2014 წლიდან ხარაგაულის მუნიციპალიტეტის სოფლების გაზიფიცირება დაიწყება.