logo-medecine28-29 სექტემბერს, ხარაგაულში ჩატარდება სოციალური ღონისძიება სახელწოდებით: „ჩვენ თქვენთან ვართ“. ღონისძიების  მიზანია შეზღუდული შესაძლებლობის მქონე ბავშვების, დევნილების, რეგიონში მცხოვრები სოციალურად დაუცველი მოსახლეობის სამედიცინო-პროფილაქტიკული გასინჯვები, რომელსაც განახორციელებენ თბილისის წამყვან კლინიკათა მაღალკვალიფიციური სპეციალისტები, რომელთა უმეტესობა მედიცინის მეცნიერებათა დოქტორია. ღონისძიების ფარგლებში, ყველა ბენეფიციარს, დანიშნულებისამებრ, მიეწოდება მედიკამენტები, გაეწევა ჰუმანიტარული დახმარება, მათთან ასევე იმუშავებს ფსიქოლოგი. იგეგმება 600-მდე ბენეფიციარის შემოწმება, მათ შორის, 57 შეზღუდული შესაძლებლობის მქონე ბავშვია.

აქცია გაიმართება ხარაგაულის რაიონულ საავადმყოფოში შაბათს, 28 სექტემბერს, 13-დან 18 საათამდე და კვირას, 29 სექტემბერს, 10-დან 18 საათამდე ა/ო „საზოგადოებრივი მონიტორინგისა და კვლევის ცენტრის“ (PM-არსი) და „საქართველო – დევნილთა მხარდჭერისათვის“ ინიციატივით.

აქციის მონაწილეებს შესაძლებლობა ექნებათ ისარგებლონ პედიატრის, ოტოლარინგოლოგის (ყელ-ყურ-ცხვირის ექიმი), დერმატოლოგის, ოფთალმოლოგის, ქირურგის, კარდიოლოგის, ენდოკრინოლოგის, გინეკოლოგის, ლაბორანტის (სისხლის ანალიზისათვის), ექოსკოპისტის, თერაპევტის, ნევროპათოლოგის მომსახურებით.

აქციის ფარგლებში შასაძლებელი იქნება ფსიქოლოგიური კონსულტაციის მიღება. 28 სექტემბერს 13-18 საათამდე და 29 სექტემბერს 10-18 საათამდე ფსიქოლოგიური კონსულტაცია გაეწევათ: შშმ ბავშვების მშობლებს, მრავალშვილიან და მარტოხელა დედებს და სხვა სამიზნე ჯგუფებს.

ფსიქოლოგის კონსულტაციის მიღება შესაძლებელი იქნება ხარაგაულშო მაჟორიტარი ბიუროს საკონფერენციო დარბაზში (9 აპრილის ქ. #15, ხარაგაულის „გამგეობის შენობა“).

აქციის ორგანიზატორები მადლობას უხდიან ხარაგაულის რაიონული საავადმყოფოს დირექციას და თანამშრომლებს თანადგომისათვის.