31 მაისს თამბაქოს საწინააღმდეგო დღე აღინიშნება. საზოგადოებრივი ჯანმრთელობის დაცვის ცენტრმა (დირექტორი შმაგი ხიჯაკაძე) ეს დღე სოფელ ზვარეს საჯარო სკოლაში აღნიშნა.

ექიმმა პროფილაქტიკოსმა თათია ბლუაშვილმა პრეზენტაცია გამართა თემაზე „არა თამბაქოს.“ პრეზენტაციას სკოლის უფროსკლასელები ესწრებოდნენ.

მოსწავლეებს ასევე ესაუბრა ხარაგაულის მუნიციპალიტეტის სპორტის განვითარებისა და მართვის ცენტრის  კუნგ-ფუ-ს მწვრთნელი ზვიადი კურტანიძე. მან ბავშვებს ჯანმრთელი ცხოვრების წესისკენ მოუწოდა და სპორტისა და სიგარეტის შეუთავსებლობაზე ისაუბრა.

პრეზენტაციის შემდეგ აღნიშნულ დღესთან დაკავშირებით გაიმართა შეჯიბრი მაგიდის ჩოგბურთში. პირველი ადგილი დაიკავა მეცხრე კლასელმა მიშიკო დალალიშვილმა, მეორე ადგილი – მეთერთმეტე კლასელმა მამუკა დალალიშვილმა, მესამე ადგილი კი მეათეკლასელ რამაზ ჩაჩანიძეს ერგო.

შეჯიბრში გამარჯვებულებს ხარაგაულის საზოგადოებრივი ჯანდაცვის ცენტრმა გადასცა ფასიანი პრიზები. გამარჯვებულებს ღონისძიების ორგანიზებასა და განხორციელებაში დიდი დახმარება გაგვიწიეს სკოლის დირექტორმა ნატო შათირიშვილმა და სპორტის მასწავლებელმა ზურაბ ტალახაძემ. ამისთვის მათ განსაკუთრებულ მადლობას ვუხდით.

ხარაგაულის საზოგადოებრივი ჯანდაცვის ცენტრი

jandacva-1 jandacva-3 jandacva-4 jandacva-5