ხარაგაულის მუნიციპალიტეტის 2016 წლის ბიუჯეტში მორიგი ცვლილება შედის. ცვლილების ორნაწილიანი პროექტი საკრებულოს ბიურომ 24 მაისს რიგგარეშე სხდომაზე განიხილა.

საბიუჯეტო ცვლილების პირველი ნაწილი რეგიონებში განსახორციელებელ პროექტებს ეხება.

მთავრობის 2016 წლის 4 თებერვლის #175 განკარგულებით, ხარაგაულის მუნიციპალიტეტში 7 ინფრასტრუქტურული პროექტის განსახორციელებლად 2 364 578 ლარი იყო განსაზღვრული. ხარაგაულის მუნიციპალიტეტის გამგეობის საფინანსო-საბიუჯეტო სამსახურის უფროს ვლადიმერ გელაშვილის ინფორმაციით, ტენდერებით 425 899 ლარი დაიზოგა.

ამის გამო ცვლილება შევიდა მთავრობის ზემოთაღნიშნულ განკარგულებაში და ხარაგაულის მუნიციპალიტეტს 2016 წელს 7 პროექტის დასაფინანსებლად, რეგიონებში განსახორციელებელი პროექტების ფონდიდან, 1 938 679 ლარი გამოეყოფა.

ამ თანხიდან გზების სარეაბილიტაციოდ 1 651 287 ლარი, ხოლო საბავშვო ბაღების სარეაბილიტაციოდ – 287 392 ლარი განისაზღვრა.

აღნიშნული თანხიდან:
– 911 824 ლარი გაიხარჯება უბისა-ღორეშას საავტომობილო გზის რეაბილიტაციაზე, სოფელ უბისის საავტომობილო ხიდიდან სოფელ ღორეშას ადმინისტრაციულ ცენტრამდე;

– 218 736 ლარი – ხარაგაული-ბაზალეთის გზის რეაბილიტაციაზე, ადმინისტრაციული ცენტრიდან სოფელ ღარიხევის გადასახვევამდე;

– 417 437  ლარი – სოფელ გედსამანიის ცენტრალური გზის რეაბილიტაციაზე (სკოლამდე);

– 103 290 ლარი – გზის დამცავი კედელების მოწყობაზე დ. ხარაგაულში, საღანძილისა და ლეღვანის ადმინისტრაციულ ერთეულებში.

–  94 999 ლარი ხარაგაულის N2 საბავშვო ბაღის შენობის რეაბილიტაციაზე გაიხარჯება;

– 66 660 ლარი – ხევის საბავშვო ბაღის რეაბილიტაციაზე;

– 125 733 ლარი კი – ღორეშას, წიფასა და მოლითის საბავშვო ბაღების შენობების რეაბილიტაციაზე.

ზემოთ აღნიშნული საბიუჯეტო ცვლილების პროექტზე ხარაგაულის მუნიციპალიტეტის საკრებულო 6 ივნისის სხდომაზე იმსჯელებს და გადაწყვეტილებას მიიღებს.