იმერეთის ტრადიციული თეატრალური ფესტივალი წელს 20 ივნისს დაიწყება. ფესტივალში იმერეთის მუნიციპალიტეტებში მოქმედი თეატრები მონაწილეობენ. ხარაგაულის სახალხო თეატრი ფესტივალზე საბავშვო სპექტაკლით – „სათაგური“ წარდგება.

რეჟისორ ირინე ჩხეიძის ინფორმაციით, დასი ფესტივალისთვის ინტენსიურად ემზადება, – დეკორაცია და სცენები იცვლება. „თეატრალური ფესტივალის მაყურებელმა მინდა ნახოს, რომ ხარაგაულში ღირსეული ცვლა გვყავს, – ამბობს ირინე ჩხეიძე, – პატარა მსახიობებს თეატრი უყვართ და ოსტატურად თამაშობენ.“

ხარაგაულის სახალხო თეატრის საბავშვო სპექტაკლი „სათაგური“ ბავშვთა და მოზარდთა თეატრალური ფესტივალის გამარჯვებულია.