11-13 მაისს, უკრაინის ქალაქ ხარკოვში იმართება მე-8 საერთაშორისო ტურისტული ფორუმი, რომელზეც მიწვეულია ხარაგაულის მუნიციპალიტეტის გამგებლის მრჩეველი ტურიზმის საკითხებში მამუკა ჭიპაშვილი.

„ძალიან საინტერესო პროგრამაა, – ამბობს მამუკა ჭიპაშვილი – ვამზადებთ იმერეთის პრეზენტაციას, განსაკუთრებული ყურადღება დაეთმობა ბორჯომ-ხარაგაულის ეროვნულ პარკს, წარვადგენთ სლადშოუს შესაბამისი ტექსტით“.

ფორუმზე „ხარკოვი – ტურიზმის პარტნიორი“ ასევე მიემგზავრებიან ქუთაისისა და თერჯოლის მუნიციპალიტეტების წარმომადგენლები.

იმერეთის დელეგაციის ხელმძღვანელია იმერეთის რეგიონის კოორდინატორი ტურიზმის საკითხებში კონსტანტინე ჭარხალაშვილი.