როგორ ემზადებიან ერთიანი ეროვნული გამოცდებისთვის, რომელი სპეციალობის დაუფლება სურთ და რა მოლოდინები აქვთ, – ამ შეკითხვებით ხარაგაულელ აბიტურიენტებს მივმართეთ.

ხარაგაულის გიმნაზიის მე-12 კლასის მოსწავლე თამარ სხილაძეს ჯერ არ აქვს გადაწყვეტილი, რომელ ფაკულტეტს აირჩევს. ბავშვობიდან ოცნებობს მსახიობობაზე ხარაგაულის #3 საჯარო სკოლის მე-12 კლასის მოსწავლე თორნიკე კურტანიძე. სამედიცინო უნივერსიტეტი აირჩია ხარაგაულის #2 საჯარო სკოლის მე-12 კლასის მოსწავლე ნინო მაღრაძემ, რადგან საკუთარი თავი სხვა პროფესიაში ვერ წარმოუდგენია.

თბილისის ივანე ჯავახიშვილის სახელობის სახელმწიფო უნივერსიტეტის სამართლის ფაკულტეტი აირჩია ხარაგაულის გიმნაზიის მე-12 კლასის მოსწავლე ზურაბ აბაშიძემ. ის თვლის, რომ დღეს ჩვენს ქვეყანაში ეს პროფესია მაღალანაზღაურებადი და საინტერესოა.

წარმატებებს ვუსურვებთ ხარაგაულელ აბიტურიენტებს.

თამთა გოგოლაძე