დღეიდან, 2026 წლის პირველი სექტემბრიდან, საჯარო დაწესებულებებში, ასევე საჯარო დაწესებულებების სისტემაში შემავალ საჯარო და კერძო სამართლის იურიდიულ პირებში (გარდა კულტურული, საგანმანათლებლო, სამეცნიერო, კვლევითი, სასპორტო, რელიგიური და წევრობაზე დაფუძნებული საჯარო და კერძო სამართლის იურიდიული პირებისა) ანაზღაურებადი სტაჟირების კონკურსი გამოცხადდა.

სტაჟიორის კონკურსზე განაცხადის წარდგენის ვადად 2026 წლის 1 სექტემბრიდან 2026 წლის 10 სექტემბრის ჩათვლით პერიოდი განისაზღვრა.

საჯარო დაწესებულებებში, ასევე, საჯარო დაწესებულებების სისტემაში შემავალ საჯარო და კერძო სამართლის იურიდიულ პირებში ანაზღაურებადი სტაჟირება 2026 წლის პირველი ოქტომბრიდან 31 დეკემბრის ჩათვლით იქნება შესაძლებელი.

პრემიერ-მინისტრმა შესაბამისი დადგენილება 10 აგვისტოს გამოსცა.

სტაჟირებაზე განაცხადი მსურველმა საქართველოს მთავრობის ადმინისტრაციის მიერ ადმინისტრირებულ ვებგვერდზე უნდა წარადგინოს.

დადგენილების მიხედვით, სტაჟირების გავლა შეეძლება პირს, თუ ის სწავლობს უმაღლესი განათლების პირველ საფეხურზე (დამამთავრებელი სასწავლო წლის შემთხვევაში) ან მეორე საფეხურზე ან დასრულებული აქვს უმაღლესი განათლების პირველი ან მე-2 საფეხური 2025-2026 სასწავლო წლის გაზაფხულის სემესტრში.

ხარაგაულის მუნიციპალიტეტის მერიაში სტაჟირებების გავლა შესაძლებელია შემდეგ სამსახურებში:

  • ადმინისტრაციული სამსახური – 2 პოზიცია;
  • ჯანდაცვისა და სოციალური დაცვის სამსახური – 2 პოზიცია;
  • კულტურის, განათლების, სპორტისა და ახალგაზრდობის საქმეთა სამსახური – 2 პოზიცია;
  • ზედამხედველობისა და არქიტექტურის სამსახური – 2 პოზიცია;
  • ა(ა)იპ „ხარაგაულის დასუფთავებისა და კეთილმოწყობის გაერთიანება“ – 6 პოზიცია.