ინტელექტუალური თამაშის „ტვინების ბრძოლა“ საქალაქო ტური, ამ წუთებში, VI-VIII კლასელთა ასაკობრივი ჯგუფის გუნდებისთვის გრძელდება; 17:00 სთ-ზე კი შეჯიბრში უფროსი ასაკობრივი ჯგუფის (IX-XII ლ.) მოსწავლეთა გუნდები ჩაერთვებიან.

„ტვინების ბრძოლა“ დღეს, 19 მაისს, მთელი ქვეყნის მასშტაბით 45 ქალაქში, მათ შორის – ხარაგაულში დილიდან მიმდინარეობს.

საქალაქო ტურში, VI-VIII კლასელთა შორის ხარაგაულის მუნიციპალიტეტის სკოლებიდან მონაწილეობენ:

  • ხუნევის საჯარო სკოლის გუნდი „ოპტიმისტები“ (კაპიტანი ანა ლომიძე);
  • ლეღვანის საჯარო სკოლის გუნდი „ფენიქსი“ (კაპიტანი მარიამ ბურჯანაძე);
  • ზვარის საჯარო სკოლის გუნდი „ბრძენი ხალხი“ (კაპიტანი მზია ლაცაბიძე);
  • ხარაგაულის #3 საჯარო სკოლის გუნდი „ნაუტილუსი“ (კაპიტანი ნინო ხუტაშვილი);
  • ხარაგაულის #3 საჯარო სკოლის გუნდი „მილიონარდი“ (კაპიტანი ნიკა ხუტაშვილი) და
  • ხარაგაულის #3 საჯარო სკოლის გუნდი „გეორგია“ (კაპიტანი ნიკოლოზ ყრუაშვილი).

ინტელექტუალური თამაშის „ტვინების ბრძოლა“ საქალაქო ტურს ხარაგაულში წარმართავს დალი ლურსმანაშვილი და მას ამ პროცესში მხარს უჭერენ ნათია ბაბლიძე, ანა ტაბატაძე და სოფო არჯევანიძე.

წარმატებებს ვუსურვებთ ამ ინტელექტუალური თამაშის მონაწილეებს.

იხილეთ ფოტოები სოციალურ ქსელში.