ქუთაისის სააპელაციო სასამართლომ ხარაგაულის საავადმყოფოს კლინიკური მენეჯერის, მაკა ქასრაშვილის, თანამდებობიდან გათავისუფლება უკანონოდ ცნო.

ამით, ძალაში დატოვა ზესტაფონის რაიონული სასამართლოს განაჩენი, რეგიონული ჯანდაცვის ცენტრის მიმართ, მაკა ქასრაშვილის თანამდებობიდან უკანონოდ გათავისუფლების ბრძანებასთან დაკავშირებით.

ეს ინფორმაცია თავად მაკა ქასრაშვილმა მოგვაწოდა.

შეგახსენებთ, რომ 2023 წლის ივლისში ზესტაფონის რაიონულმა სასამართლომ ბათილად ცნო „რეგიონული ჯანდაცვის ცენტრი-ხარაგაულის“ ყოფილი კლინიკური მენეჯერის, მაკა ქასრაშვილის, თანამდებობიდან გათავისუფლების შესახებ ბრძანება; სასამართლომ მაკა ქასრაშვილი თანამდებობაზე აღადგინა, რეგიონული ჯანდაცვის ცენტრს კი მისთვის იძულებით განაცდურის გამო ხელფასის ანაზღაურება დააკისრა.

მაკა ქასრაშვილი ხარაგაულის საავადმყოფოს კლინიკური მენეჯერის თანამდებობიდან 2023 წლის იანვარში გაათავისუფლეს.