საქართველოს ზრდასრულთა განათლების ქსელმა 2023 წლის შემაჯამებელი ღონისძიება გამართა.

ამ ღონისძიებაზე ქსელის წევრი გამარჯვებული ცენტრები, პარტნიორი მუნიციპალიტეტები, საუკეთესო ტრენერები და ბენეფიციარები დაჯილდოვდნენ:

წლის საუკეთესო ბენეფიციარი – ახალციხის ზრდასრულთა განათლების ცენტრის ბენეფიციარი – ნინო ფატარიძე;

წლის საუკეთესო ტრენერი – ამბროლაურის ზრდასრულთა განათლების ცენტრის, „დეკორატიული სუვენირების დამზადება ეპოქსიტური წებოს გამოყენებით“კურსის ტრენერი – ნანა იარალიშვილი;

საუკეთესო პარტნიორი მუნიციპალიტეტი – თეთრიწყაროს მუნიციპალიტეტი;

წლის საუკეთესო ცენტრი – ბოლნისის ზრდასრულთა განათლების ცენტრი და ქედის სათემო განათლების ცენტრი.

გამარჯვებულებს ზრდასრულთა განათლების ქსელის – GAEN-ის პრიზები და გამომცემლობა დიოგენეს სასაჩუქრე წიგნები გადაეცათ.

შემაჯამებელ ღონისძიებას გერმანიის საელჩოსა და სახალხო უნივერსიტეტთა გერმანულ ასოციაცია DVV international-ის წარმომადგენლები ესწრებოდნენ.

საქართველოში ზრდასრულთა განათლების 14 ცენტრი ფუნქციონირებს, მათ შორის ხარაგაულის მუნიციპალიტეტში ეს ცენტრი 2019 წლის აპრილში გაიხსნა.