ხარაგაულის ცენტრალურ ბიბლიოთეკაში დღეს, 1 თებერვალს, ხარაგაულის #2, ვახანისა და მარელისის სკოლების მოსწავლეები წიგნის საჯაროდ კითხვის მსოფლიო დღის აღსანიშნავად შეიკრიბნენ.
კულტურისა და ხელოვნების ცენტრის საბიბლიოთეკო განყოფილებათა ხელმძღვანელის, ნანა ლურსმანაშვილის ინფორმაციით, „ეს მოსწავლები ბიბლიოთეკის აქტიური მკითხველები არიან. მათ მწერლების – ოთარ ჭილაძის, ნოდარ დუმბაძის, კონსტანტინე გამსახურდიას პოეტური და პროზაული ნაწარმოებები წაიკითხეს. წელს ამ მწერლების საიუბილეო თარიღები აღინიშნება.
ახალგაზრდებმა ასევე ხარაგაულელი პოეტების – ლინა ბარათაშვილის, ვალერი გოგნაძისა და მამუკა ჭიპაშვილის ლექსები წაიკითხეს. მათთან ერთად წიგნების კითხვაში ბიბლიოთეკის თანამშრომლებიც ჩავერთეთ. შემდეგ კი ყველამ ერთად წაკითხულ ნაწარმოებებზე ვისმჯელეთ“.
დღესვე, 15:00 საათზე, ცენტრალურ ბიბლიოთეკაში სასულიერო გიმნაზიის მოსწავლეებს ელოდებიან.
ასევე დაგაინტერესებთ
ძუძუს კიბო მსოფლიოში რიგით მეორე ყველაზე
იმერეთში რძის პროდუქტების მწარმოებელ არალეგალურ ობიექტებს
1 ოქტომბრის დღის ბოლოდან 3 ოქტომბრის დღის მეორე ნახევრამდე საქართველოში
ხარაგაულის მუნიციპალიტეტში მოქმედ ღორეშისა და ვერტყვიჭალის
1 ოქტომბერი ხანდაზმულთა საერთაშორისო დღეა – ეს თარიღი 1991 წლიდან აღინიშნება.