ხარაგაულის სპორტისა და შიდა ტურიზმის ცენტრის ორგანიზებით პირველკურსელებთან შეხვედრა იგეგმება.

ამ ცენტრის დირექტორის, რევაზ შერგელაშვილისგან მოპოვებული ინფორმაციით, ხარაგაულელ პირველკურსელებთან საზეიმო შეხვედრას 9 სექტემბერს გეგმავენ.

„გვინდა, ახალგაზრდებს ცხოვრების ახალი ეტაპის, სტუდენტობის დაწყება, მივულოცოთ, – ამბობს რევაზ შერგელაშვილი, – ღონისძიება ისტორიულ მუზეუმში გაიხსნება და პირველკურსელები ხარაგაულის ისტორიიდან მნიშვნელოვან ეპიზოდებს მოისმენენ. ამ ახალგაზრდებს მშობლიური ხარაგაული და მისი წარსული მუდამ უნდა ახსოვდეთ“.

9 სექტემბრის ღონისძიებების განრიგი ასეთია:

  • 13:00 სთ – შეხვედრა ხარაგაულის ისტორიული მუზეუმის ეზოში და მოკლე ექსკურსი ხარაგაულის ისტორიის შესახებ;
  • 13:30 სთ – შეხვედრა ხარაგაულის მუნიციპალიტეტის ხელმძღვანელ პირებთან;
  • 14:00 სთ-დან – 18:00 სთ-მდე – კაფე-საღამო.

ამ ღონისძიების მხარდამჭერია ხარაგაულის საგანმანათლებლო რესურსცენტრი და ადგილობრივი თვითმმართველობა. ხარაგაულის შიდა ტურიზმის ცენტრის ორგანიზებით პირველკურსელებთან შეხვედრა მუნიციპალიტეტში 2013 წლიდან ტარდება.

ფოტოზე: შეხვედრა ხარაგაულელ პირველკურსელებთან ისტორიული მუზეუმის ეზოში, 2014 წ.

ამავე თემაზე დაგაინტერესებთ

ტრადიციული შეხვედრა პირველკურსელებთან ხარაგაულში