ბორის სკოლის კურსდამთავრებული ნანუკა წიწილაშვილი უკვე დარწმუნებულია, რომ თბილისის სახელმწიფო სამედიცინო უნივერსიტეტში ისწავლის. ის საგრანტო დაფინანსებასაც ელოდება.

ნანუკა ამბობს, რომ გამოცდებზე მიღებული შეფასებით კმაყოფილია და მისმა თავდაუზოგავმა შრომამ შედეგი გამოიღო.

მან ქართულ ენასა და ლიტერატურაში 60 ქულიდან 57 ქულა მიიღო, ქიმიაში 63 ქულიდან – 56, ბიოლოგიაში 70 ქულიდან – 64, ინგლისურში 80 ქულიდან – 67.

„პირველი მიზანი მიღწეულია – სამედიცინო უნივერსიტეტის სტუდენტი ვარ, – სიხარულს გვიზიარებს ნანუკა წიწილაშვილი, – დარწმუნებული ვარ, შემდგომი მიზნებისთვისაც ბევრს ვიშრომებ“.