ვაშლევის საჯარო სკოლისა და „სახლი ცისარტყელას“ ერთობლივი თანამშრომლობით, 16-18 ივნისს ვაშლევის სკოლაში საზაფხულო ბანაკი მოეწყო. ამ ბანაკში ხევის, ნადაბურის, ბორითის, ვერტყვიჭალისა და ვაშლევის სკოლების მოსწავლეები მონაწილეობდნენ.

ბანაკის ფარგლებში გაიმართა ხელოვნების, მუსიკის, ცეკვის გაკვეთილები, „მხიარული სტარტები“ და კონკურსები.

ბანაკის აქტიური მოსწავლეები და კონკურსებში გამარჯვებულები სამახსოვრო საჩუქრებითა და სიგელებით დაჯილდოვდნენ. ბანაკში სულ 50-მდე მოსწავლე მონაწილეობდა.

ვაშლევის საჯარო სკოლისა და „სახლი ცისარტყელას“ თანამშრომლობით საზაფხულო ბანაკი ვაშლევში გასულ წელსაც მოეწყო.