„საქართველოს რკინიგზადან“ მოპოვებული ინფორმაციით, ხაშური-ზესტაფონის მონაკვეთზე რკინიგზელებისთვის განკუთვნილი ვაგონით უკვე მოქალაქეებიც მგზავრობენ.

ამ ეტაპზე, ჯერჯერობით, მგზავრები და რკინიგზაში დასაქმებულები ერთი ვაგონით გადაადგილდებიან. მგზავრობის ღირებულებას, 50 თეთრს, მოქალაქეები ვაგონის გამცილებლებს ხელზეც უხდიან და ბილეთებს რკინიგზის სადგურებშიც იძენენ მოლარესთან.

პარასკევიდან, 4 თებერვლიდან, კი ამ ვაგონებში ბილეთის შესაძენად სალაროს აპარატის დამონტაჟება იგეგმება.

ამ მატარებლის მიმოსვლის განრიგი ასეთია:

  • ზესტაფონი-ხაშური – 06:05 სთ.;
  • ხაშური-ზესტაფონი – 10:20 სთ.;
  • ზესტაფონი-ხაშური – 14:20 სთ.;
  • ხაშური-ზესტაფონი – 17:05 სთ.

მგზავრების რკინიგზელთა ვაგონში დაშვების შესახებ გადაწყვეტილება „საქართველოს რკინიგზამ“ გასული კვირის ბოლოს მიიღო.

ხაშური-ზესტაფონი მიმართულებით მოძრავი სამგზავრო მატარებელი ჩვეული გრაფიკით მოძრაობს, – ხაშურიდან დილის 07:05 საათზე გამოდის, ხოლო ზესტაფონიდან ხაშურში 17:45 საათზე ბრუნდება.

მევლუდ სალაღაიას ფოტო