ნიკო კეცხოველის სასკოლო პრემია ეკოკლუბების კონკურსია. პროექტი არა მხოლოდ გამორჩეული ეკოკლუბების, ცალკეული მასწავლებლების თუ მოსწავლეების გამოვლენისა და დაჯილდოების შესაძლებლობას იძლევა.

კონკურსის მთავარი მიზანია, უკეთ დავინახოთ, რომ საკუთარი ხელით შეგვიძლიათ განვახორციელოთ ცვლილებები და გავაუმჯობესოთ ბუნებრივი და სოციალური გარემო.

ეკოკლუბები თავინთ აქტივობებს გლობალური მდგრადი განვითარების მიზნების შესაბამისად გეგმავენ და ახორცილებენ.

„ნიკო კეცხოველის სასკოლო პრემია“ 2015 წელს დაარსდა CENN-ის მიერ, პროექტის – „ტყის მდგრადი მართვა საქართველოში“ ფარგლებში.

სასკოლო პრემიის თანაორგანიზატორები არიან: საქართველოს პარლამენტი, გარემოს დაცვისა და სოფლის მეურნეობის სამინისტრო, განათლებისა და მეცნიერების სამინისტრო.

პროექტს ფინანსურად მხარს უჭერს ავსტრიის განვითარების თანამშრომლობა / Austrian Development Cooperation.
„ნიკო კეცხოველის სასკოლო პრემია 2021“-ის ფინალში ხარაგაულიდან სოფელ  კიცხისა და #2 საჯარო სკოლის ეკოკლუბები გადავიდნენ.
კიცხის საჯარო სკოლის ეკო კლუბმა „მწვანე ხელები“ მეორე ადგილი დაიკავა, ხოლო ამავე კლუბის წევრი  შოთა ზვიადაძე „საუკეთესო ეკოსპიკერად“ დასახელდა.