#48 ხარაგაულის საოლქო საარჩევნო კომისიის წევრის შესარჩევად ცესკომ კონკურსი 20 სექტემბერს გამოაცხადა. საბუთების მიღების ვადა 21 სექტემბერს 18 საათზე იწურება.

კანდიდატმა ცესკოში შემდეგი საბუთები უნდა წარადგინოს:

  • განცხადება (ივსება ადგილზე);
  • საქართველოს მოქალაქის პირადობის მოწმობის ან საქართველოს მოქალაქის პასპორტის ფოტოასლი;
  • უმაღლესი განათლების (აგრეთვე აკადემიური (სამეცნიერო) ხარისხის – თუ აქვს) დამადასტურებელი დოკუმენტის ფოტოასლი;
  • ავტობიოგრაფია ან Curriculum Vitae (CV);
  • კანდიდატის შრომითი ბიოგრაფია და არჩევნებში მონაწილეობის გამოცდილების აღწერა (თუ აქვს ასეთი გამოცდილება);
  • ორი ფერადი ფოტოსურათი, ზომით 3X4;
  • საარჩევნო ადმინისტრაციის მოხელის სერტიფიკატის ფოტოასლი.

მატერიალურად საბუთების ჩაბარებისას კანდიდატმა უნდა წარმოადგინოს დიპლომისა და კვალიფიკაციის დამადასტურებელი დოკუმენტაციის დედნები ან ნოტარიულად დამოწმებული ასლები, რომელთა ასლების შესაბამისობის დადგენის შემდგომ დოკუმენტაცია უბრუნდება კანდიდატს.

საოლქო საარჩევნო კომისიის წევრთა შესარჩევ კონკურსში მონაწილეობის უფლება აქვთ პირებს 21 წლის ასაკიდან.

ცესკო საოლქო კომისიის ახალ წევრს 21 სექტემბერს აირჩევს.

#48 ხარაგაულის საოლქო საარჩევნო კომისიის წევრის ადგილი ვაკანტური მას შემდეგ გახდა, რაც 17 სექტემბერს კომისიის ყოფილმა მდივანმა თანამდებობა საკუთარი განცხადების საფუძველზე დატოვა.

საჩივრით