რამდენიმე საათის წინ ჭიათურის კოვიდკლინიკაში ხარაგაულელი მამაკაცი გარდაიცვალა.

70 წელს გადაცილებული გარდაცვლილი კლინიკაში, ასევე covid-19-ით ინფიცირებულ მეუღლესთან ერთად, იმყოფებოდა.

ცოლ-ქმარი სოფელ ბაზალეთის მაცხოვრებლები არიან. ისინი ჭიათურის კლინიკაში ერთი კვირის წინ გადაიყვანეს.

გარდაცვლილ მამაკაცს თანმხლები დაავადებები ჰქონდა.

ხარაგაულში ინფიცირების პირველი შემთხვევიდან დღემდე კორონავირუსი 204 ადამიანს დაუდასტურდა. მათგან 65 გამოჯანმრთელდა, ხოლო 3 გარდაიცვალა.

დღეს, 4 დეკემბერს, ხარაგაულის მუნიციპალიტეტში კორონავირუსის ათი ახალი შემთხვევა გამოვლინდა.