უხვი ნალექის შედეგად, ხარაგაულის მუნიციპალიტეტის სოფელ ბაზალეთში შესასვლელი გზა და სარკინიგზო ხიდის მიმდებარე ტერიტორია დაიტბორა.

დატბორილი გზის ვიდეო სოციალურ ქსელში ბაზალეთის მაჟორიტარმა დეპუტატმა ვარლამ ჭიპაშვილმა გამოაქვეყნა.

„ისე, რა გახდა გზის ამ მონაკვეთზე ასფალტის დაგება? ბაზალეთში შემოსასვლელ საავტომობილო ხიდზე როგორც კი გადმოუხვევ, გზაზე ისეთი „ტრამპლინებია“, თუ დაბალი მანქანით ხარ, უფალს უნდა ეხვეწო, არ დაგეშალოს“, – ასევე სოციალურ ქსელში წერს ერთ-ერთი ბაზალეთელი.

„ამ დროისათვის გზა გაწმენდილია. უახლოესი მომავლისათვის, ინფრასტრუქტურის მოსაწესრიგებლად, კაპიტალური სამუშაოები უნდა დაიგეგმოს“, – ამბობს ბაზალეთის დეპუტატი.