ამ შეკითხვით წერილობით მივმართეთ ხარაგაულის მუნიციპალიტეტის მერს ნიკოლოზ თოფურიძეს. მეოთხე წელია, რაც დღევანდელი ხელისუფლება ხარაგაულის მოსახლეობას #1 საბავშვო ბაღის გაზიფიცირებას დაჰპირდა და საბავშვო ბაღი დღემდე გაზიფიცირებული არ არის. ზამთარში აღსაზრდელებს დღემდე შეშის ღუმელებით ათბობენ.

„გაცნობებთ, რომ ხარაგაულის მუნიციპალიტეტის გამგეობამ შეისყიდა ხარაგაულის #1 საბავშვო ბაღის შენობაში გათბობის სისტემის მოწყობის საპროექტო დოკუმენტაცია. უახლოეს მომავალში მოხდება შენობის გაზიფიცირებაც,“ – ნათქვამია მუნიციპალიტეტის მერისგან „ჩემი იმერეთის“ რედაქციისათვის 17 ნოემბერს მოწერილ ოფიციალურ წერილში.

ხარაგაულის #1 საბავშვო ბაღის გაზიფიცირების თემით „ჩემი იმერეთის“ რედაქცია ამ საკითხის სრულ მოგვარებამდე დაინტერესდება.