ხარაგაულელი ახალგაზრდები და მთლიანად ხარაგაული ამ დილით 17 წლის ხარაგაულელი მარიამ ასათიანისა და მისი შვიდი წლის დეიდაშვილის ტრაგიკულად დაღუპვის ამბავმა შეძრა.

გოგონები ამ დილით თბილისში ავტოსაგზაო შემთხვევის შედეგად დაიღუპნენ.

მარიამი ხარაგაულის #3 საჯარო სკოლაში სწავლობდა. ერთი წელია, რაც თბილისში დეიდასთან საცხოვრებლად და სასწავლებლად გადავიდა.

მომხდარზე გამოძიება 276-ე მუხლის მე-7 ნაწილით (ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც ორი ან მეტი ადამიანის გარდაცვალება გამოიწვია) მიმდინარეობს.