ხარაგაულის მუნიციპალიტეტის ახალარჩეულმა საკრებულომ ყოფილი თავმჯდომარე მანანა ბარბაქაძე განმეორებით აირჩია.

ფარულ კენჭისყრაში საკრებულოს 35 წევრიდან 30 დეპუტატი მონაწილეობდა.

მანანა ბარბაქაძის საკრებულოს თავმჯდომარედ არჩევას მხარი არჩევნებში მონაწილე ყველა დეპუტატმა დაუჭირა.

მანანა ბარბაქაძემ მოადგილედ რუსუდან გიორგაძე დაასახელა.

რუსუდან გიორგაძე სარგვეშის მაჟორიტარი დეპუტატია პარტიიდან „ქართული ოცნება – დემოკრატიული საქართვრლო“.

ამჟამად საკრებულოში მოადგილის არჩევის პროცედურა მიმდინარეობს.