დღეს, 16 ნოემბერს, ხარაგაულის მუნიციპალიტეტის საკრებულოს ბიურომ 2018 წლის ბიუჯეტის პროექტი ადმინისტრაციულ წარმოებაში მიიღო. ხარაგაულის მუნიციპალიტეტის მერიის საფინანსო-საბიუჯეტო სამსახურის უფროსის ვლადიმერ გელაშვილის, ინფორმაციით, მომავალი წლის ბიუჯეტი 6 869 000 ლარს შეადგენს.

„ამ დრომდე ველოდებით ცენტრალური ხელისუფლებისაგან რეკომენდაციებს, ამის გამო შეიძლება ბიუჯეტის პროექტი რამდენადმე შეიცვალოს. ბიუჯეტის ამჟამინდელი პროექტის მიხედვით ხარაგაულში მოქმედი საბიუჯეტო ორგანიზაციების მოთხოვნებს მინიმალურად ვაკმაყოფილებთ“, – აღნიშნა ბიუროს სხდომაზე ვლადიმერ გელაშვილმა.

2018 წლის ბიუჯეტის პროექტის განხილვას ხარაგაულის მუნიციპალიტეტის საკრებულო, ხვალ, 17 ნოემბერს, რიგგარეშე სხდომაზე დაიწყებს.