დღეს, 14 ნოემბერს, ხარაგაულის საზოგადოებრივი ჯანმრთელობის დაცვის ცენტრის თანამშრომელმა ნანა ბერაძემ დიაბეტთან ბრძოლის საერთაშორისო დღესთან დაკავშირებით ხარაგაულის ცენტრალური ბიბლიოთეკის (დირექტორი ნიკოლოზ მაჭავარიანი) სამკითხველო დარბაზში  საინფორმაციო შეხვედრა გამართა.

ნანა ბერაძე დიაბეტს მზარდი და ვერაგი დაავადება უწოდა, მან დამსწრე საზოგადოებას დიაბეტის გამომწვევ მიზეზებზე და დაავადების სიმპტომებზე ესაუბრა. მისი თქმით აუცილებელია ცხოვრების ჯანსაღი წესის დაცვა, რომ ეს დაავადება ჩვენს ორგანიზმს ვერ მოერიოს.