ხარაგაულის მუნიციპალიტეტის მთავარ საფინანსო დოკუმენტზე – 2018 წლის ბიუჯეტის პროექტზე – მუშაობა მიმდინარეობს. გამგეობის საფინანსო-საბიუჯეტო სამსახურის უფროსის, ვლადიმერ გელაშვილის ინფორმაციით, კანონით ბიუჯეტის პროექტი საკრებულოს გამგეობამ 15 ნოემბრამდე უნდა წარუდგინოს.

„ბიუჯეტის პროექტი, სავარაუდოდ, 10 ნოემბრისთვის მზად გვექნება, – ამბობს ვლადიმერ გელაშვილი, – ააიპ-ების მოთხოვნები დიდია. ჯერჯერობით ზუსტად ვერ გეტყვით, თანხებს როგორ გავანაწილებთ.“

საკრებულოს იურისტის, ზაალ ორბელაძის ინფორმაციით, 2018 წლის ბიუჯეტის პროექტის განხილვაც, სავარაუდოდ, 2014 წლის მოწვევის საკრებულოს მოუწევს.

ფოტოზე: ვლადიმერ გელაშვილი ხარაგაულის მუნიციპალიტეტის საკრებულოს ბიუროს სხდომაზე