წვიანი ამინდების გამო ხარაგაულის მოსახლეობას წყალი სამი დღეა არ მიეწოდება.

საქართველოს გაერთიანებული წყალმომარაგების კომპანიის ხარაგაულის სერვისცენტრის მენეჯერის, ტარიელ ავალიშვილის, ინფორმაციით ხარაგაულელებს წყლის მიწოდება დღეს, შუადღემდე აღუდგებათ.

„ამჟამად წყლის ავზების შევსება მიმდინარეობს. ვიმედოვნებთ წყლის ლაბორატორიული შემოწმება დადებითი იქნება და მაგისტრალში წყლის გაშვებას შევძლებთ“ – ამბობს ტარიელ ავალიშვილი.