ხარაგაულის მუნიციპალიტეტის გამგეობიდან მოპოვებული ინფორმაციით, 2017 წლის 9 თვეში ადგილობრივი ბიუჯეტიდან სოციალურ მიმართულებებზე 374 299 ლარი დაიხარჯა 1923 ბენეფიციარზე. მათ შორის:

– სამედიცინო მომსახურეობაზე – 138 741 ლარი (377 ბენეფიციარი);

– მედიკამენტების შესაძენად – 47 573 ლარი (331 მოქალაქე);

– C ჰეპატიტის სახელმწიფო პროგრამაში ჩართვისთვის საჭირო კვლევების დასაფინანსებლად – 9 366 ლარი (43 მოქალაქეს);

– სოციალურად დაუცველი 16 გარდაცვლილის ოჯახზე სარიტუალო ხარჯებისთვის – 3 200 ლარი;

– ჰემოდიალიზის სახელმწიფო პროგრამით მოსარგებლე და ლეიკემიით დაავადებულთა ტრანსპორტირება – 11 100 ლარი (13 ბენეფიციარი);

– ერთჯერადი ფინანსური დახმარება – 65 900 ლარი (483 მოქალაქე);

– ალილოს დღესასწაულთან დაკავშირებით შეძენილია 1800 ლარი ღირებულების საკვები პროდუქტები;

– დედის დღესთან დაკავშირებით 77 მრავალშვილიან (4 და მეტი) ოჯახზე დახმარება – 4 800 ლარი;

– სააღდგომოდ 256 უკიდურესად გაჭირვებული და დევნილი ოჯახების დახმარება 7680 ლარით, თითოეულს – 30 ლარი;

– ომის ვეტერანების ყოველთვიური დახმარება კომუნალური გადასახადებისათვის – 3 510 ლარი;

– უსინათლო მოქალაქეებს – ყოველთვიური დახმარება კომუნალური გადასახადებისათვის – 16 470 ლ. (64 ბენეფიციარი);

– დაუნის სინდრომისა და აუტიზმის ცნობადობის ამაღლების საერთაშორისო დღეებთან დაკავშირებით 8 ბენეფიციარის დახმარება – 800 ლარი;

– შშმ პირთა დასახმარებლად და სხვა ღონისძიებებისთვის – 10 461 ლარი;

– კოხლეარული იმპლანტით მოსარგებლე 0-დან 18 წლამდე ასაკის ბენეფიციართა ელემენტის შესაძენად – 1 998 ლარი;

– 100 წელს მიღწეულთა ფინანსური დახმარება – 1000 ლარი;

– 1989 წ. 9 აპრილის მშვიდობიანი აქციის მონაწილეთა დარბევის შედეგად დაზარალებულ ორი მოქალაქის დახმარება – 600 ლარი;

– ჩერნობილის ა/ე აფეთქების შედეგად დაზარალებული 8 მოქალაქის დახმარება – 800 ლარი;

– ფაშიზმზე გამარჯვების დღის აღსანიშნავად სამამულო ომის 13 მონაწილეს გაეწია დახმარება 2600 ლარით;

– 2008 წლის 8 აგვისტოს ომში დაღუპულის ოჯახის დახმარება – 500 ლარი;

– საქართველოს ტერიტორიული მთლიანობისთვის ომში დაღუპულთა ოჯახებს, რომლებიც არ არიან ჩართულნი სახელმწიფო პროგრამაში, მეომართა ხსოვნის უკვდავსაყოფად დახმარება გაეწიათ 4 100 ლარით;

– ახალშობილთა ოჯახების დახმარების პროგრამა – 21 900 ლარი (131 ახალშობილი);

– ომის ვეტერანის დაკრძალვისთვის (ოთხ ოჯახზე) – 1 000 ლარი;

– სტიქიური მოვლენებისა და ხანძრის შედეგად დაზარალებულ 13 ოჯახს, დაზიანების კატეგორიების მიხედვით, გაეწია დახმარება 18 400 ლარით.