24-28 ივლისს ხარაგაულში, ისევე როგორც მთელ საქართველოში, C ჰეპატიტის კვირეული ჩატარდა. კვირეულის ფარგლებში ხარაგაულის საზოგადოებრივი ჯანდაცვის ცენტრმა რამდენიმე აქტივობა განახორციელა – ცენტრის თანამშრომლები შეხვდნენ მოქალაქეებს დაწესებულებებში, სადაც ჩაატარეს საუბრები C ჰეპატიტის შესახებ, სწრაფი ტესტებით ხარაგაულში 161 მოქალაქე გამოიკვლიეს. არც ერთ მათგანს C ჰეპატიტი არ აღმოაჩნდა.

ხარაგაულის საზოგადოებრივი ჯანდაცვის ცენტრის ინფორმაციით, ხარაგაულში სწრაფი ტესტით C ჰეპატიტზე 2017 წლის ექვს თვეში 663 პიროვნებაა გამოკვლეული. მათგან დაავადება რვას აღმოაჩნდა.

მსურველებს ნებისმიერ სამუშაო დღეს შეუძლიათ ხარაგაულის საზოგადოებრივი ჯანდაცვის ცენტრში C ჰეპატიტზე სწრაფი ტესტი ჩაიტარონ.