ხარაგაულის მუნიციპალიტეტიდან მოპოვებული ინფორმაციით, 2017 წლის 6 თვეში მუნიციპალიტეტის გამგეობიდან სოციალურ მიმართულებებზე 241 423 ლარი დაიხარჯა. მათ შორის:

– სამედიცინო მომსახურეობისთვის 227 ბენეფიციარს გაეწია დახმარება 77 505 ლარით;

– მედიკამენტების შესაძენად დახმარება გაეწია 237 მოქალაქეს, თანხით – 32 561 ლარი;

– C ჰეპატიტის სახელმწიფო პროგრამაში ჩართვისთვის საჭირო კვლევების დასაფინანსებლად დახმარება გაეწია 21 მოქალაქეს, თანხით – 6 490 ლარი;

– სარიტუალო ხარჯებისთვის დახმარება გაეწია სოციალურად დაუცველ 13 გარდაცვლილის ოჯახს თანხით 2 600 ლარი;

– ჰემოდიალიზის სახელმწიფო პროგრამით მოსარგებლე და ლეიკემიით დაავადებულთა დახმარება სატრანსპორტო ხარჯით – 7 000 ლარი (13 ბენეფიციარი);

– ერთჯერადი ფინანსური დახმარება გაეწია 292 მოქალაქეს, თანხით – 42 770 ლარი;

– ალილოს დღესასწაულთან დაკავშირებით შეძენელი იქნა 1800 ლარის ღირებულების საკვები პროდუქტები;

– დედის დღესთან დაკავშირებით  77 მრავალშვილიან (4 და მეტი) ოჯახს გადაეცა 4 800 ლარი;

– სააღდგომოდ 256 უკიდურესად გაჭირვებულ და დევნილ ოჯახს გაეწია დახმარება 7680 ლარით, თითოეულს – 30 ლარი;

– ომის ვეტერანებს – ყოველთვიური დახმარება კომუნალური გადასახადებისათვის 2 430 ლ (13 ვეტერანი);

– უსინათლოთა კავშირის წევრ მოქალაქეებს – ყოველთვიური  დახმარება კომუნალური გადასახადებისათვის – 10 710 ლ (61 ბენეფიციარი);

– დაუნის სინდრომის და აუტიზმის შესახებ ცნობადობის ამაღლების საერთაშორისო დღეებთან დაკავშირებით 8 ბენეფიციარს გაეწია დახმარება (თითოეულს 100 ლარი) – 800 ლარის ოდენობით;

– შშმ პირთა დასახმარებლად და სხვა ღონისძიებებისთვის დაიხარჯა 6 039 ლარი;

– კოხლეარული იმპლანტით მოსარგებლე 0-დან 18 წლამდე ასაკის ბენეფიციართა ელემენტის შესაძენად დახარჯულია 1 998 ლარი;

– 100 წელს მიღწეულთა ფინანსური დახმარება – 1000 ლარი.

– 1989 წლის 9 აპრილის მშვიდობიანი აქციის მონაწილეთა დარბევის შედეგად დაზარალებულ 2 მოქალაქეს გაეწია დახმარება 600 ლარით;

– ჩერნობილის ა/ე აფეთქების შედეგად დაზარალებულ 7 მოქალაქეს – 700 ლარით;

– ფაშიზმზე გამარჯვების დღის აღსანიშნავად სამამულო ომის 13 მონაწილეს  გაეწია დახმარება 2600 ლარით;

– საქართველოს ტერიტორიული მთლიანობისთვის ომში დაღუპულთა ოჯახებს, რომლებიც არ არიან ჩართულნი სახელმწიფო პროგრამაში, მეომართა ხსოვნის უკვდავსაყოფად დახმარება გაეწიათ 3 600 ლარით;

-ახალშობილთა ოჯახების დახმარების პროგრამის განსახორციელებლად დახარჯულია 13 200 ლარი (77 ახალშობილი);

– ომის ვეტერანის დაკრძალვისთვის ერთ ოჯახს გაეწია დახმარება 250 ლარით;

-სტიქიური მოვლენების და ხანძრის შედეგად დაზარალებულ 10 ოჯახს, დაზიანების კატეგორიების მიხედვით, გაეწია დახმარება 14 400 ლარით.