ხარაგაულის მუნიციპალიტეტში მოქმედ ორგანიზაციებს შორის მინი ფეხბურთის ტურნირი დასრულდა. ფინალში ერთმანეთს რკინიგზელთა და ტურიზმის განვითარების ცენტრის გუნდები შეხვდნენ. პენალტების სერიით რკინიგზელთა გუნდმა ანგარიშით 4:3 გაიმარჯვა.

ტურნირის საუკეთესო მეკარედ ირაკლი იჩქიტიძე დასახელდა, საუკეთესო ფეხბურთელად – ვალერი ტალახაძე, მაყურებლის სიმპატიის პრიზი ნიკალაი ბუაჩიძემ დაიმსახურა.

ტურნირი ტრადიციულია და მას ხარაგაულის მუნიციპალიტეტის გამგეობის განათლების, კულტურის, სპორტისა და ახალგაზრდულ საქმეთა სამსახური ატარებს. წლევანდელ ტურნირში შვიდი გუნდი მონაწილეობდა.

ფოტოზე: ტურნირის ფინალისტები