დღეს, 19 ივნისს, მთის განვითარების ეროვნული საბჭოს მორიგი სხდომა გაიმართა. საბჭოს მდივნის, ოთარ კონჯარიას, ინფორმაციით, მაღალმთიანი დასახლების სტატუსი კიდევ 37-მა სოფელმა მიიღო.

მაღალმთიანი სოფლის სტატუსი იმერეთში სამ სოფელს მიენიჭა – ხარაგაულის მუნიციპალიტეტის სოფელ ბჟინევს, ჭიათურის მუნიციპალიტეტის სოფელ ხვაშითს და საჩხერის მუნიციპალიტეტის სოფელ ღოდორას.

შეგახსენებთ, რომ „მაღალმთიანი რეგიონების განვითარების შესახებ“ საქართველოს კანონის თანახმად 2016 წლის იანვარში 1582 დასახლებას მაღამთიანი დასახლების სტატუსი მიენიჭა.

საქართველოს მთავრობამ მოგვიანებით მაღალმთიან დასახლებათა ნუსხაში ​​99 დასახლების დამატების შესახებ გადაწყვეტილება მიიღო.